राज्यात बेकायदेशीर वास्तव्य केल्याप्रकरणात कझाकस्तान रहिवासी महिलेविरुद्ध म्हापसा न्यायालयात सुनावणी सुरु होती. मात्र, जामीनावर असलेली ही महिला सुनावणीला गैरहजर राहत असल्याने तिच्याविरुद्ध ‘स्टँडिंग वॉरंट’ जारी झाला होता.

त्यानुसार, सोमवारी (ता.८) संशयित महिला शिवोलीत सापडली असता तिला पोलिसांनी न्यायालयात हजर केले. त्यानुसार, जेएमएफसी म्हापसा कोर्टाने संशयित महिलेची रवानगी न्यायालयीन कोठडीत केली.

प्राप्त माहितीनुसार, राज्यात बेकायदेशीरपणे वास्तव्य करत असल्याने व्हर्निगर येवगेनिया (वय ४६) हिला हणजूण पोलिसांनी १४ ऑगस्ट २०२१ रोजी अटक केली होती.