केपे, असोल्डा-केपे येथे बेकायदेशीररित्या गुरांना घेऊन जाणारा रिक्षा स्थानिकांनी अडवून महंमद सादिक बेपारी (४२) व लियाकत बेपारी (४७)यांना केपे पोलिसांच्या स्वाधीन केले. आज त्यांना न्यायालयात उभे केले असता जामिनावर सोडून देण्यात आले.
प्राप्त माहितीनुसार काल,दि.२६ रोजी रात्री एका रिक्षातून चार बैल घेऊन कुणीतरी चांदरहून कुडचडे मार्गे जात असल्याचे स्थानिक युवकांनी पाहिले. त्यानंतर सदर रिक्षा अडवून त्याची माहिती कुडचडे व शेल्डे येथील युवकांना दिली.
तेव्हा सदर युवकांनी रिक्षातून बैलांना घेऊन जाणाऱ्या महंमद व सादिक यांना सदर बैल कुठे घेऊन जात आहात, असा प्रश्न केला. त्यावर त्यांनी चारही बैल बाणावलीतून आणले असून कत्तलीसाठी घेऊन जात असल्याचे सांगितले.
यावेळी स्थानिकांनी याची माहिती केपे पोलिसांना दिली. केपे पोलिसांनी घटनास्थळी येऊन महंमद व लियाकतसह रिक्षा केपे पोलिस स्थानकात आणली.आज केपे न्यायालयात हजर केले असता न्यायालयाने त्यांची जामिनावर सुटका केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.