वेर्णा: दक्षिण गोव्यातून एक मोठी बातमी समोर आली आहे. बेतुल नाकेरी येथील स्फोटकांच्या गोदामात भीषण स्फोट झाल्याची माहिती मिळतेय. स्फोट झाल्याची माहिती मिळताच अग्निशमन बंब आणि पोलिस घटनास्थळी दाखल झाले आहेत. गुरुवारी (२० मार्च) रात्री अकराच्या सुमारास ही घटना घडली.

मिळालेल्या प्राथमिक माहितीनुसार, वेर्णामधील एका कंपनीचे गोदाम बेतुल नाकेरी येथे आहे. रात्री अकराच्या सुमारास या गोदामात मोठा स्फोट झाला. या स्फोटाचे व्हिडिओ समोर आले असून, आगीचे आणि धुराचे प्रचंड लोळ व्हिडिओत दिसत आहेत.

स्फोट नेमका कसा झाला? यात काही जीवितहानी झालीय की नाही? याची माहिती अद्याप समोर आलेली नाही. दरम्यान, अग्निशामक दल आणि पोलिस घटनास्थळी दाखल झाले असून, आगीवर नियंत्रण मिळण्याचे प्रयत्न सुरु आहेत, अशी माहिती मिळतेय.