वाळपई, सत्तरी तालुक्यातील नगरगाव, डोंगुर्ली-ठाणे, म्हाऊस या ग्रामपंचायत क्षेत्रातील लोकांसाठी सोयीचा ठरणाऱ्या हेदोडे-ठाणे रस्त्याला जोडणारा रस्ता अखेर वाहनचालकांसाठी खुला झाला आहे.
हेदोडे गावातून ठाणे रस्त्यावर जाताना वाटेत ओहळ असून तिथे काही वर्षांपूर्वी नवीन रुंद पुलाची बांधणी करण्यात आली होती. पण पुलापलीकडील सुमारे शंभर मीटरचा कच्चा रस्ता वनक्षेत्रात येत असल्याने डांबरीकरण करता येत नव्हते.
पण वनमंत्री विश्‍‍वजीत राणे व वनविकास महामंडळाच्या अध्यक्षा तथा पर्येच्या आमदार डॉ. दिव्‍या राणे यांनी या रस्‍त्‍याच्‍या कामासाठी सरकारी दरबारी पाठपुरावा करून काम करून घेतले.
रस्ता पूर्णपणे पेव्हर्सचा
मार्च महिन्यात या रस्‍त्‍याच्‍या कामाची पायाभरणी करण्यात आली होती. हा पुलाकडील भाग वनविभागात येत असल्याने कच्चा रस्त्यावर आधी सिमेंट खडीचा गालिचा टाकून त्यावर पेव्हर्स बसवून रस्ता करण्यात आला आहे.
रस्ता पेव्हर्सचा असल्याने गेले अडीच महिने रस्ता वाहतुकीसाठी बंद ठेवण्यात आला होता. पण आता आता तो वाहतुकीसाठी खुला करण्यात आला आहे. त्यामुळे प्रवासी व वाहनचालकांनी समाधान व्यक्त केले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.