Goa Belgaum Highway

गोवा-बेळगाव महामार्गावरील अस्तुली ब्रीजनजीक वाहने अडकत असल्याने बुधवारी (ता. १६) पहाटे ८ वाजल्यापासून सर्व वाहतूक ठप्प झाल्याने दोन्ही बाजूने चार ते पाच किलोमीटरच्या रांगा लागल्या आहेत.

बसगाड्या तसेच छोटी वाहने चांदेवाडी- केसरलॉक मार्गे धावत आहेत; परंतु तोही रस्ता अरुंद असल्याने दोन्ही बाजूने वाहने आल्याने त्या ठिकाणीही वाहतूक ठप्प झाली आहे. स्थानिक नागरिक येऊन वाहतूक सुरळीत करण्याचा प्रयत्न करत आहेत.

तर तिनईघाट तसेच इतर आजूबाजूच्या खेड्यांतील नागरिकांना हा रस्ता बंद झाल्याने रामनगर या ठिकाणी येण्यासाठी फार मोठा फेरा मारून यावे लागत आहे.