सासष्टी: आके पावर हाऊसजवळ व तेथील वाहतूक सर्कल परिसरात फळ, भाजी विक्रेत्यांचे प्रस्थ मोठ्या प्रमाणात वाढले असून आता मासळी विक्रेते सुद्धा येऊन बसायला लागले आहेत.

काही दिवसांपूर्वी भाजी विक्रेते तेथील गटारातील पाणी काढून भाजी धुण्याचे प्रकार उघडकीस आले होते, आता तर मासळी विक्रेते सुद्धा याच दुर्गंधी युक्त पाण्याने मासळी धुताना दिसत आहेत.

ज्या लोकांनी हा प्रकार पाहिला आहे, त्यांनी तेथे फळे, भाजी व मासळी विकत घेणाऱ्यांना सावधानतेचा इशारा दिला आहे. हा प्रकार सरपंच साईश राजाध्यक्ष यांच्या लक्षात आणून देण्यात आला आहे.

आपण त्यांच्यावर त्वरित कारवाई करू, असे आश्वासन सरपंचांनी दिले आहे. गटारातील पाण्याने मासळी धूत असलेला व्हिडिओ सध्या सर्वत्र व्हायरल झाला आहे.