Harmal News :

हरमल, सध्याच्या युगात अनेक शैक्षणिक सुविधा उपलब्ध असून विद्यार्थ्यांनी अत्युच्च ध्येय गाठण्यासाठी कठोर परिश्रम घ्यायला हवेत.

त्यासाठी आवश्यक अभ्यास साधनांचा लाभ घेऊन उच्चशिक्षित व्हावे, असे प्रतिपादन पर्वरी येथील डीइटी कॉलेजचे प्राचार्य देविदास कुडव यांनी केले

कोरकणवाडा येथील श्री राष्ट्रोळी ब्राह्मण देवस्थानच्या वर्धापनदिनानिमित्त आयोजित विद्यार्थी गौरव सोहळ्यात ते बोलत होते. यावेळी व्यासपीठावर सरपंच रजनी इब्रामपूरकर, माजी अतिरिक्त पंचायत संचालक उमाकांत कोरकणकर, माजी जिल्हा पंचायत सदस्य अरुण बांधकर, देवस्थानचे अध्यक्ष शशिकांत कोरकणकर, प्रमोद कोरकणकर, राजन बांधकर, जनार्दन कोरकणकर, प्रभाकर बानकर उपस्थित होते.

विद्यार्थ्यांनी ध्येयपूर्तीसाठी आव्हानात्मक भूमिका घेऊन यश संपादन करण्याचे आवाहन निवृत्त अधिकारी उमाकांत कोरकणकर यांनी केले. माजी जिल्हा पंचायत सदस्य अरुण बांधकर, सरपंच रजनी इब्रामपुरकर यांनी विचार मांडले.

यावेळी प्राचार्य देविदास कुडव यांचा शाल, श्रीफळ व स्मृतिचिन्ह देऊन सत्कार करण्यात आला. भिवा मांद्रेकर,प्रकाश कोरकणकर, रूपेश कोरकणकर आदींनी पुष्पगुच्छ देऊन मान्यवरांचे स्वागत केले.