मोरजी: मोपा विमानतळावरील गोवा पर्यटन विकास महामंडळाचा टॅक्सी काउंटर १ एप्रिलपासून ८ दिवस बंद होता. त्यामुळे स्थानिक टॅक्सी व्यावसायिकांसमोर गंभीर समस्या निर्माण झाली होती. आमदार प्रवीण आर्लेकर, मांद्रेचे आमदार जीत आरोलकर यांच्यापुढे कैफियत मांडली.

त्यानंतर आमदार आरोलकर,आर्लेकर यांच्या प्रयत्नांनी सरकारने हा विषय सोडवला. त्यामुळे स्थानिक टॅक्सी व्यावसायिकांनी आमदार जीत आरोलकर यांच्या धारगळ येथील कार्यालयात जाऊन त्यांचा सत्कार केला, तसेच त्यांचे आभार मानले.

आमदार जीत आरोलकर यांनी सांगितले की, आपणही या पेडणे भूमीतले आहोत. पेडणे भूमीतील अनेक नागरिकांचे अनेक प्रश्न व्यावसायिक संबंधी असतील ते सोडवण्याचे लोकप्रतिनिधी या नात्याने आमचे कर्तव्य आहे.

या व्यावसायिकांनी आमदार प्रवीण आर्लेकर यांच्याशीही चर्चा केली. त्यांनीही सरकार दरबारी प्रयत्न केले. आणि दोन्ही आमदारांनी प्रयत्न केल्यामुळे हा विषय कायमचा सुटलेला आहे. ही गौरव करण्याची वेळ नाही. आपण आपले कर्तव्य केल्याचे आरोलकर म्हणाले. यावेळी टॅक्सी व्यावसायिकांनी जल्लोषाने आमदार जीत आरोलकर यांचा विजय असो असे नारे देऊन हा परिसर दुमदुमून सोडला होता.

टॅक्सी व्यावसायिकांनी सांगितले,की आमदार जीत आरोलकर यांनी तातडीने मुख्यमंत्री डॉ. प्रमोद सावंत, पर्यटन मंत्री रोहन खंवटे यांच्याकडे चर्चा करून आमचा विषय तातडीने सोडवला.