Pharma Jobs In Goa गोव्यात रोजगार उपलब्ध होण्यासाठी गोवा सरकार निरनिराळ्या योजना सुरु करत असते. प्रत्येकाच्या शिक्षणानुसार, अंगी असलेल्या कौशल्यानुसार प्रत्येकाच्या हाताला काम देण्यासाठी सरकार नेह,इच प्रयत्नशील असते.

फार्मा क्षेत्रातील इच्छुकांसाठी रोजगार मिळवण्याच्या दृष्टीने सरकार गोवा फार्मास्युटिकल मॅन्युफॅक्चरर्स असोसिएशन आणि वेर्णा इंडस्ट्रीज असोसिएशनच्या माध्यमातून संधी उपलब्ध करून देत आहे.

4 मार्च रोजी सकाळी 9 ते 5 या वेळेत जिआयडीसी हॉल मध्ये मुलाखती होणार आहेत. या संबंधी मुख्यमंत्री प्रमोद सावंत यांनी ट्विट करत माहिती दिली आहे. त्यांनी त्यात असं म्हटलं आहे कि, "गोव्यातील तरुणांना रोजगाराच्या संधी उपलब्ध करून देण्याच्या उद्देशाने सुरू केलेल्या उपक्रमांना पाठिंबा देण्यासाठी गोवा सरकार नेहमीच उत्सुक असते.

मी फार्मास्युटिकल क्षेत्रात पात्रता असलेल्या तरुण गोवावासीयांना या अग्रगण्य कंपन्यांमध्ये नोकरीच्या संधीं मिळवण्यासाठी उपस्थित राहण्याचे आवाहन करतो."

गोव्यातील फार्मास्युटिकल क्षेत्रातील युवा वर्गाने या संधीचा पुरेपूर फायदा उठवावा असे त्यांनी आपल्या ट्विट मध्ये म्हटले आहे. एकंदरीतच या उपक्रमामुळे बहुतांश सुशिक्षित बेरोजगारांना याचा फायदा होणार आहे.