पणजी: गोवा सरकारतर्फे अयोध्येत ‘राम निवास’ उभारण्यात येणार आहे. त्यासाठी उत्तर प्रदेश सरकार ४ हजार चौ. मी. जमीन देणार आहे. मुंबईच्या ‘गोवा भवना’चे ८ ऑगस्टपासून ऑनलाइन बुकिंग सुरू केले जाईल. दिल्लीतील ‘गोवा सदना’चे पूर्ण नूतनीकरण करण्यात येणार आहे.

तसेच राज्यातील वाहतूक कोंडीची समस्या सोडविण्यासाठी सरकार वाहन व्यवस्थापन पद्धत (व्हीएमएस) आणणार असल्याची घोषणा मुख्यमंत्री डॉ. प्रमोद सावंत यांनी आज विधानसभेत केली.

सरकारी वाहनांचा गैरवापरही होत असल्याच्या तक्रारी येत आहेत. त्यामुळे सरकारी वाहनांमध्ये ही यंत्रणा वापरण्याचा विचार असल्याचे ते म्हणाले.

भाषेवरून स्थानिकांत फूट पडू देणार नाही

रोमी कोकणीला राजभाषेचा दर्जा द्या ही मागणी केवळ राजकीय लाभापोटी होत आहे. धर्म आणि भाषेच्या माध्यमातून स्थानिकांमध्ये फूट पडू देणार नाही.

वाहतूक कोंडीची समस्या आटोक्यात आणण्यासाठी सरकारकडून वाहन नियंत्रण पद्धत (व्हीएमएस) अमलात आणण्यात येणार आहे.

गोवा सरकारतर्फे अयोध्येत ‘राम निवास’ उभारण्यात येणार आहे. तसेच मुंबईतील ‘गोवा भवन’ येत्या ८ ऑगस्टपासून सुरू होईल. दिल्लीतील ‘गोवा सदन’ नव्याने बांधण्यात येईल.