Accident Death In Goa: स्मार्ट सिटी मिशनअंतर्गत मलनिस्सारण वाहिनीसाठी निर्माण होत असलेल्या चेंबरमध्ये पडून सोमवारी पहाटे मृत्यू पावलेल्या आयुष हळर्णकर याचा मृत्यू झाला. कंत्राटदार आणि सल्लागार सुरक्षेचे उपाययोजना करण्यात अयशस्वी झाल्यामुळे पिडीत कुटुंबाला एक कोटी रुपये देण्याचे निर्देश मुख्यमंत्र्यांनी द्यावेत, अशी मागणी माजी महापौर तथा नगरसेवक उदय मडकईकर यांनी केली आहे.

सरकारच्या निष्काळजीपणामुळे झालेला अपघात आहे, अपघातात जीव गेल्यानंतर दुसऱ्या दिवशी यंत्रणा कशी हलली, वीज खात्याने तत्काळ दिवे लावले, पोलिस रिफ्‍लेक्टर लावण्यास कसे धावले? हे सर्वांनी पाहिले आहे, त्यामुळे युवकाच्या मृत्यूला सर्वस्वी कंत्राटदार आणि सल्लागारास जबाबदार धरून त्यांच्यावर दंडात्मक कारवाई करीत मुख्यमंत्र्यांनी पिडीत कुटुंबास आर्थिक मदत मिळवून द्यावी, असेही मडकईकर म्हणाले.

आयुष याचा अपघाती मृत्यू झाल्यानंतर त्यांनी घटनास्थळी जाऊन कंत्राटदार व सल्लागार यांनी ज्या उपाययोजना करावयाच्या होत्या, त्या न करता काम करीत असल्याचे निदर्शनास आणून देणारा व्हिडिओ व्हायरल केला होता

. त्याचबरोबर रस्त्याचे काम सुरू असताना मिक्सरसारखे साहित्य रस्त्यावर ठेवणे योग्य नाही, अंधाराची कल्पना असतानाही संबंधित कंत्राटदाराने किमान ज्या उपाययोजना करावयाच्या होत्या, त्या करायला हव्या होत्या, त्या केल्या नाहीत असा आरोप त्यांना केला होता.

याबाबत जनतेच्या तीव्र संताप लक्षात घेऊन मानवाधिकार'तर्फे नोटीस देण्यात आली असून महानगरपालिकेचे ‘स्मार्ट सिटी’ पत्र लिहिले आहे.