पणजी: गोव्यात ‘मिनी-सिलिकॉन व्हॅली’ स्थापन करण्याचा सरकारचा मानस आहे, ज्यामध्ये जागतिक क्षमता केंद्रांचा एक हब निर्माण करण्याची योजना आहे. वाणिज्य तथा उद्योगमंत्री पीयूष गोयल यांनी ‘ॲमेझिंग गोवा’ या जागतिक परिषदेच्या उद्‍घाटन सत्रात ही घोषणा केली. आभासी माध्यमातून त्यांनी हा संवाद साधला.
व्हायब्रंट गोवा फाऊंडेशनने राज्य सरकारच्या सहकार्याने आयोजिलेल्या या परिषदेचे उद्‍घाटन मुख्यमंत्री डॉ. प्रमोद सावंत यांच्या हस्ते झाले. गोयल यांनी राज्यात वेलनेस उद्योग, पुनरुत्थान पर्यटन, होम स्टे, पंचतारांकित हॉटेल्स आणि सांस्कृतिक पर्यटनामुळे गोवा एक आकर्षक ठिकाण बनल्याचे सांगितले.
नुकत्याच झालेल्या एका सर्वेक्षणात गोव्याला भारतातील सर्वोत्तम विवाहस्थळ म्हणून गौरवण्यात आले आहे, असे त्यांनी नमूद केले. गोयल यांच्या मते, डेटा सेंटर, कृत्रिम बुद्धिमत्ता, औषध निर्मिती, इलेक्ट्रॉनिक्स आणि अन्न प्रक्रिया यांसारख्या आधुनिक हायटेक आणि भविष्यकालीन क्षेत्रांमध्ये गोव्याला मोठी संधी आहे.
मुख्यमंत्री सावंत म्हणाले की, परिषदेचा उद्देश गोव्यातील व्यावसायिकांना संधी उपलब्ध करून देण्यासोबतच राज्याला नवीन गुंतवणूक क्षेत्र बनविणे आहे. गोवा कृत्रिम बुद्धिमत्ता, औषध निर्मिती, नवीकरणीय ऊर्जा आणि आयुर्वेद यासारख्या क्षेत्रांमध्ये जागतिक संधींचा शोध घेण्यास उत्सुक आहे. गोव्याला एक व्यापार केंद्र म्हणून मजबूत करण्यासाठी सरकार सतत व्यवसाय सुलभता सुधारण्यावर, व्यापारसुलभ धोरणे प्रोत्साहन देण्यावर, राहणीमान उंचावण्यावर आणि पायाभूत सुविधांचा विस्तार करण्यावर लक्ष केंद्रित करीत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.