पणजी: वाहनांसाठी आवश्यक असणारे प्रदूषण नियंत्रण प्रमाणपत्र (पीयूसी) दाखल्यांचे शुल्क राज्य सरकारने वाढवले आहेत. येत्या 1 एप्रिल 2025 पासून नवे दर अंमलात येणार आहेत. वाहतूक संचालक प्रविमल अभिषेक यांनी हा दरवाढीचा आदेश जारी केला आहे.

अवजड वाहने

दरम्यान, सुधारित दरांनुसार सर्व अवजड वाहनांच्या (Vehicles) ‘पीयूसी’साठी आता 300 रुपये मोजावे लागतील. एलएमव्ही व्यावसायिक वाहनांसाठी 200 आणि बिगर व्यावसायिक वाहनांसाठी 140 रुपये असा दर राहणार आहे. त्याशिवाय दुचाकी, तीनचाकी वाहनांसाठी 160 रुपये तर बिगर व्यावसायिक वाहनांसाठी 100 रुपये शुल्क आकारले जाणार आहे.

वायू प्रदूषण

वायू प्रदूषण (Air Pollution) ही आजच्या घडीला देशाच्या मुख्य चिंतेपैकी एक आहे आणि सरकार (Government) ती नियंत्रित करण्यासाठी शक्य ती कारवाई करीत आहे. सरकारच्या वायू प्रदूषण नियंत्रणाच्या उपाययोजनांपैकी एक म्हणजे वाहनाचे प्रदूषण मर्यादित ठेवणे हे एक महत्त्वाचे उद्दिष्ट आहे.