Morjim News :

मोरजी, गावचा विकास नियोजनबद्ध कसा करता येईल, याबाबतचा आराखडा प्रत्येक ग्रामपंचायतीने तयार करणे गरजेचे आहे, असे आमदार प्रवीण आर्लेकर यांनी सांगितले.

कासारवर्णे पंचायत क्षेत्रातील महादेव मंदिरासमोर रस्त्यावर छोटा पूल उभारण्याच्या कामाचा शुभारंभ आर्लेकर यांच्या उपस्थितीत आचारसंहिता लागू होण्याआधी झाला. यावेळी सरपंच अवनी गाड, पंच नवनाथ नाईक, वृषाली नाईक, सोनम परब, मोपाचे सरपंच सुबोध महाले आदी उपस्थित होते.

आर्लेकर म्हणाले की, विकासकामांना आपले पूर्ण सहकार्य असेल. विकास कसा करायचा यावर गावकऱ्यांनी एकत्र चर्चा करावी.