Goa Carnival 2024: गोवा कार्निव्हलच्या तारखा जाहीर करण्यात आल्या असून, यंदा 10 ते 13 फेब्रुवारी या कालावधीत कार्निव्हलची धूम पाहायला मिळणार आहे. 09 फेब्रुवारी रोजी पर्वरीत फ्लोट परेड असेल, अशी माहिती राज्याचे पर्यटन मंत्री रोहने खंवटे यांनी दिली.

कार्निव्हलची सुरुवात 10 फेब्रुवारी रोजी पणजी येथून होईल, 11 फेब्रुवारीला मडगाव, वास्कोत 12 फेब्रुवारीला आणि 13 फेब्रुवारी रोजी म्हापसात कार्निव्हलचे फ्लोट मार्च करतील अशी माहिती खंवटे यांनी दिली.

यासह शिगमोत्सवाच्या देखील तारखा जाहीर करण्यात आल्या असून, 26 मार्च ते 08 एप्रिल या काळात शिगमोत्सवाचे आयोजन केले जाणार असल्याचे खंवटे यांनी सांगितले.

शिवजयंतीचा मुख्य कार्यक्रम डिचोलीत होणार असून, प्रत्येक पालिकेला पाच लाखांचा निधी देण्यात आल्याची माहिती खंवटे यांनी दिली.

गोव्यात दरवर्षी होणाऱ्या कार्निव्हल आणि शिगमोत्सवाचे देश विदेशातील पर्यटकांना आकर्षण असते. गोव्याची संस्कृतीचे आनोखे दर्शन घडविणारे हे दोन उत्सव पर्यटकांसह स्थानिकांसाठी मोठी पर्वणी असते.