Goa CM Pramod Yadav Dainik Gomantak
गोवा

Goa Youth Festival: सर्वण-डिचोलीत गोवा युवा महोत्सवाला सुरुवात; मुख्यमंत्री सावंतांना अखेरच्या क्षणी निमंत्रण

Goa Youth Festival 2025: तरुणाईच्या कला-गुणांना वाव देणाऱ्या दोन दिवसीय गोवा युवा महोत्सवाचे मुख्यमंत्री डॉ. सावंत यांच्या हस्ते उदघाटन करण्यात आले.

गोमंतक ऑनलाईन टीम

डिचोली: शनिवारपासून २६ व्या गोवा युवा महोत्सवाला सर्वण-डिचोली येथे उत्साहात प्रारंभ झाला. मात्र, मुख्यमंत्री डॉ. प्रमोद सावंत यांना या महोत्सवाचे निमंत्रण देण्याबाबत आयोजकांनी निष्काळजीपणा केल्याची खळबळजनक माहिती समोर आली आहे.

प्रेक्षकांमध्ये उपस्थित असलेले डिचोलीचे नगराध्यक्ष विजयकुमार नाटेकर यांनाही व्यासपीठावर स्थान देण्याकडे दुर्लक्ष झाल्याच्या प्रकाराकडे मुख्यमंत्र्यांनी आयोजकांचे लक्ष वेधले. युवा जैतिवंत, डिचोली आणि झांट्ये महाविद्यालय यांच्या संयुक्त विद्यमाने कोकणी भाषा मंडळातर्फे सर्वण येथील झांट्ये महाविद्यालयाच्या प्रांगणात या महोत्सवाचे आयोजन करण्यात आले आहे.

तरुणाईच्या कला-गुणांना वाव देणाऱ्या दोन दिवसीय गोवा युवा महोत्सवाचे शनिवारी (ता. २५) मुख्यमंत्री डॉ. सावंत यांच्या हस्ते कवाथ्याला पाणी घालून उदघाटन करण्यात आले.

यावेळी विशेष अतिथी आमदार प्रेमेंद्र शेट आणि स्वागताध्यक्ष आमदार डॉ. चंद्रकांत शेट्ये यांच्यासह कोकणी भाषा मंडळाच्या अध्यक्ष रत्नमाला दिवकर, कार्याध्यक्ष कलानंद कामत बांबोळकर, महोत्सव संयोजिका मानसी पावसकर, तन्वी पळ आणि मान्यवर उपस्थित होते. उदघाटनानंतर उपस्थितांना संबोधित करून मुख्यमंत्री निघून गेले.

कोकणीच्या प्रेमापोटी उपस्थित राहिलो : मुख्यमंत्री

महोत्सवाच्या काही तास अगोदरच 'आज सकाळीच मला या महोत्सवाचे निमंत्रण मिळाले' असे खुद्द मुख्यमंत्री डॉ. सावंत यांनी सांगत महोत्सवाचे उदघाटन केले. मात्र, झाल्या प्रकाराबाबत नाराजी व्यक्त केली असली, तरी केवळ कोकणी भाषेच्या प्रेमापोटी अहंकार बाजूला ठेवून महोत्सवाला उपस्थित राहिलो, असे स्पष्ट करून त्यांनी आयोजकांची बोलतीच बंद केली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT