Bicholim: दोडामार्ग रस्त्यावरील लाडफे (Ladfe, Dodamarg Road) येथे पुलावरील गचक्यावर दुचाकी (A Bike) उसळून झालेल्या अपघातात स्कुटरचालक महिला जखमी झाली. हा अपघात (Accident) मंगळवारी (ता. 17) सायंकाळी लाडफे रस्त्यावरील भेडशीकोंड येथे छोट्या पुलावर घडला (Accident on Bridge). अपघातात स्कुटरचालक महिला जखमी (Woman Injured) झाली असून, 108 रुग्णवाहिकेतून (108 Ambulance) तिला उपचारार्थ डिचोली सामाजिक आरोग्य केंद्रात (Social Health Center, Bicholim) नेण्यात आले आहे. जखमी महिला पिळगाव परिसरातील असल्याची माहिती मिळाली आहे.

गचक्यामुळे अपघात

पिळगाव येथील ही महिला आपल्या दुचाकीवरुन दोडामार्गच्या दिशेने जात होती. त्या एकट्याच होत्या. या रस्त्यावरील लाडफे येथील पुलाच्या पातळी रस्त्यापेक्षा काहीशी उंच आहे. त्यामुळे त्याठिकाणी वाहनांना गचके बसतात. असाच गचका बसल्याने दुचाकी उसळली आणि ही महिला दुचाकीसह रस्त्यावर आपटली. स्थानिक तसेच त्या रस्त्यावरून ये-जा करणाऱ्यांनी अपघातग्रस्त महिलेला मदत केली. दरम्यान, या पुलावरील गचक्यामुळे अधूनमधून अपघात घडत असतात. अशी माहिती स्थानिकांनी देवून, पुलाकडील रस्ता वाहतुकीस सुरक्षित करावा.अशी मागणी केली आहे.