पणजी: राज्यात मागील दोन-तीन दिवसांपासून उष्म्याच्या झळा जोरदार वाढू लागल्या असून तापमानाचा पारा अधिकच वाढला आहे. राज्यात कमाल ३३.६ अंश तर किमान २१ अंश सेल्सिअस इतक्या तापमानाची नोंद झाली.

कमाल तापमानाच्या तुलनेत १.२ अंशांनी वाढले असून येत्या दोन दिवसांत पारा तब्बल ३४ ते ३५ अंश सेल्सिअस पर्यंत जाण्याची शक्यता असल्याने वाढत्या उष्म्यात नागरिकांनी योग्य ती काळजी घ्यावी असे आवाहन गोवा वेधशाळेद्वारे करण्यात आले आहे.

लहान मुले, ज्येष्ठांची घ्या काळजी

फेब्रुवारी महिन्यात कमाल तापमान ३२ अंशांपर्यंत जाणे सामान्य तापमान मानले जाते. परंतु याहून अधिक तापमान झाल्यास सर्वसामान्य नागरिकांना सहन होते परंतु लहान मुले, वृद्ध तसेच दीर्घकालीन आजारी व्यक्तींना अशा उष्म्याचा त्रास होण्याची शक्यता असते.

त्यामुळे योग्य ती काळजी घेणे जरूरीचे असते. उष्म्यामुळे निर्लजलीकरण (डिहायड्रेशन), यूंना गोळे येणे (हीट क्रॅम्प) व त्वचेवर पुरळ (हीट रॅश) होण्याची शक्यता अधिक असते.