डिचोली, भर पावसात डिचोली मतदारसंघातील विविध भागात निर्माण होणाऱ्या समस्या त्वरित निकालात काढाव्यात, असे स्पष्ट निर्देश आमदार डॉ. चंद्रकांत शेट्ये यांनी सरकारी अधिकाऱ्यांना दिले आहेत.

अतिवृष्टीमुळे झाडांची पडझड होण्याचे प्रमाण वाढले आहेत. बहुतांश भागात वीज आणि पाण्याची समस्या निर्माण होत आहे. या पार्श्वभूमीवर आपत्कालीन व्यवस्थापनाअंतर्गत आमदार डॉ. शेट्ये यांनी मुळगाव येथे आपल्या कार्यालयात सरकारी अधिकाऱ्यांची एक तातडीची बैठक घेतली.

या बैठकीस उपजिल्हाधिकारी रोहन कासकर, मामलेदार प्रवीण गावस, वीज खात्याचे साहायक अभियंता समीर चोडणकर, पीडब्ल्यूडीच्या कनिष्ठ अभियंता स्नेहा, तांत्रिक सहायक नेहाल मांद्रेकर, अग्निशमन दलाचे अधिकारी राहूल देसाई आदी विविध खात्यांच्या अधिकाऱ्यांसह डिचोली पालिकेचे नगरसेवक, विविध पंचायतींचे सरपंच आणि पंचसदस्य उपस्थित होते.