Goa University: गोवा विद्यापीठातील घडलेल्या इंटर्नच्या एका वरिष्ठ पोलीस अधिकाऱ्यावर लैंगिक छळाच्या आरोपाच्या प्रकरणासंदर्भात एक महत्वाची बातमी हाती येतेय. या प्रकरणाला आता कलाटणी मिळाली असून तक्रार केलेल्या विद्यार्थ्यांनी विद्यापीठाच्या अंतर्गत समितीला पत्र सादर करून यापूर्वी नोंदवलेले स्टेटमेंट दुरुस्त करण्याची विनंती केली.

त्यांच्या पत्रांवर कोणतीही औपचारिक तक्रार दाखल केली जाणार नाही आणि त्यांची पत्रे गोपनीय ठेवली जातील, अशी माहिती देऊन पत्रे बनवताना विद्यापीठाच्या अधिकाऱ्यांनी आपली दिशाभूल केल्याचे तक्रारदार विद्यार्थ्यांनी म्हटले आहे.

भीतीपोटी हे सत्य आधी उघड न केल्याबद्दल माफी मागून तक्रारदार विद्यार्थ्यांनी त्यांचे पूर्वीचे विधान दुरुस्त करण्याची विनंती केली. दरम्यान, गोवा विद्यापीठाच्या आयसीसीने गोवा पोलिसांना सादर केलेल्या सामंजस्य अहवालाच्या आधारे विभागाचे वरिष्ठ अधिकारी चौकशी करत आहेत.