Electricity: हळदोणा मतदारसंघातील वीज समस्या लवकरच सुटणार- ढवळीकर

Electricity: सध्याच्या ओव्हरहेड 11KV पॉवर लाईन्सचे भूमिगत प्रणालीमध्ये रूपांतर करण्यासाठीच्या प्रकल्पाची आज म्हणजेच शनिवारी पायाभरणी करण्यात आली.

94 कोटी रुपयांचा असलेला महत्त्वाकांक्षी प्रकल्प हळदोणाचे आमदार अॅड कार्लोस अल्वारेस फरेरा आणि ऊर्जा मंत्री सुदिन ढवळीकर यांच्या उपस्थितीत सुरु करण्यात आला.

मंत्री ढवळीकर यांनी आपल्या भाषणात, भूमिगत केबलिंगद्वारे सर्व 40 मतदारसंघांमधील वीज समस्या सोडविण्याची राज्य सरकारची वचनबद्धता अधोरेखित केली.

त्यांनी साळीगावातील नवीन सबस्टेशनच्या योजनांचे अनावरण केले. शिवाय राज्यभरात 640 ट्रान्सफॉर्मर बदलण्याचा आणि 2030 पर्यंत गोव्यात किमान 150 मेगावॅट वीज निर्मितीचे महत्त्वाकांक्षी उद्दिष्ट असल्याचेही म्हणाले.