सासष्टी: आर्ले सर्कल परिसरात अट्टल गुन्हेगार अन्वर शेख याच्यावर  प्राणघातक हल्ला केल्याप्रकरणी फातोर्डा पोलिसांपुढे गुरुवारी शरणागती पत्करलेले व्हॅली डिकाॅस्ता आणि अमीर गवंडी या संशयीतांना आज रिमांडसाठी प्रथमवर्ग न्यायालयात हजर केले असता, त्यांना सहा दिवसाची पोलिस कोठडी सुनावण्यात आली. हे हल्ला प्रकरण 16 फेब्रुवारी रोजी घडले होते. तेव्हापासून फरार असलेले व्हॅली व अमीर यांच्याविरोधात फातोर्डा पोलिसांनी लुक आऊट नोटीस जारी केली होती. 

गोमंतकीयांना दिलासा; नवीन वाहतूक कायदा तूर्तास स्थगित

दीड महिन्यानंतर या दोघांही संशयितांनी फातोर्डा पोलीस ठाण्यात येऊन शरणागती पत्करली. या हल्ला प्रकरणी पोलिसांनी रिकी होर्णेकर (कुडचडे), विपुल पट्टारी (खारेबांद), हर्षवर्धन सावळ (37, म्हापसा), विजय कारबोटकर (31,पर्वरी) , इम्रान बेपारी (३२, सांताक्रूझ), सुदन डिकॉस्ता (40, सुरावली) महिंदर उर्फ मयूर तानावडे (37, पर्वरी) या संशयीतांना आधीच अटक केली होती. यातील मयूर तानावडे याची जामिनावर मुक्तता करण्यात आली आहे.