पिसुर्ले: होंडा (Honda) पंचायतीच्या भुईपाल (Bhuipal) प्रभागात येणाऱ्या सरकारी माध्यमिक विद्यालयाच्या (Secondary school) आवारात वाळपई वन खात्याच्या (forest department) सहकार्याने वनमोहत्साव (Forest festival) साजरा करण्यात आला. यावेळी मान्यवर तसेच गावातील जेष्ठ नागरिकांच्या हस्ते विविध प्रकारच्या झाडांची लागवड (Tree Plantation) करण्यात आली. सदर कार्यक्रमास भुईपाल गावातील दोन्ही पंच सया पावणे, पांडुरंग गावकर, मुख्याध्यापिका रोझी मिनेजिस, शिक्षक वर्ग तसेच वन खात्याच्या वतीने वनविभागाच्या अधिकाऱी विश्वनाथ पिंगुळकर यांच्यासह इतर वन खात्याचे अधिकारी उपस्थित होते.

यावेळी मुख्याध्यापिका रोझी मिनेजिस हीने उपस्थितांचे स्वागत करून, पर्यावरणाचा समतोल राखण्यासाठी झाडे लावून ती जगवणे अत्यंत महत्त्वाचे असल्याचे सांगितले. यासाठी नागरिकांनी आपल्या घराच्या परिसरात झाडे लावणे गरजेचे आहे, वाळपई वन खात्याच्या वतीने सदर कार्यक्रम भुईपाल विद्यालयात राबविण्यात आल्याने खात्यांचे कौतुक केले.