Rohan Khaunte About Air Ticket and Goa Tourism

पणजी: विमान तिकिटांचे दर वाढल्‍यामुळे गोव्‍याच्‍या पर्यटनावर विपरीत परिणाम होतील अशी भीती व्‍यक्त केली जात आहे. मात्र या गोष्‍टीचा गोव्याच्या पर्यटनावर कोणताही परिणाम झालेला नाही आणि होणार नाही, असा विश्‍‍वास पर्यटनमंत्री रोहन खंवटे यांनी व्‍यक्त केला आहे. त्‍यामुळे व्यावसायिकांना दिलासा मिळाला आहे.

खंवटे म्हणाले की, गोवा हे खरोखरच एक नंदनवन आहे. विमान प्रवास फुल्ल आहे, हॉटेल्स फुल्ल आहेत. प्रामुख्याने सांगायचे झाले तर देशी पर्यटक अधिक येत आहेत. गोव्यातील पर्यटकांची संख्या आणि पर्यटन क्षेत्रातील सकारात्मक वाढीबद्दल आम्ही समाधानी आहोत.

गोव्याचे नाव खराब करण्यापेक्षा गोव्याला योग्य प्रकारे जगासमोर सादर करणे गरजेचे आहे. पर्यटकांना आकर्षित करण्यासाठी सर्वांनी एकत्र काम केले पाहिजे.