Goa Tourism Department: देशाच्या पर्यटन वाढीमध्ये गोवा अव्वल स्थानी आहे. परिणामी गोव्याला बहुमानाचा पर्यटन पुरस्कार जाहीर झाला आहे.

गोवा पर्यटन विभागाला देशांतर्गत पर्यटन श्रेणी अंतर्गत सर्वोत्कृष्ट ऑल-सीझन डेस्टिनेशनसाठी टुडेज ट्रॅव्हलर्स अवॉर्ड 2023 प्राप्त झाला आहे.

हा प्रतिष्ठित पुरस्कार प्रमुख पाहुणे सर्वोच्च न्यायालयाचे माजी न्यायाधीश न्यायमूर्ती जस्ती चेलमेश्वर यांच्या हस्ते प्रदान करण्यात आला.

या पुरस्कारामुळे गोव्याच्या पर्यटन विभागाला चालना मिळाली असून अधिक पर्यटकांना आकर्षित करण्यासाठी सरकार सज्ज झाले आहे.