गोव्याचा प्रदुषणमुक्त हरीत विकासासाठी गोवा सरकाराने चांगला मास्टर प्लॉन तयार करावा. अन्यथा गोव्याचा ऋषिकेश हरिद्वार होण्यास वेळ लागणार नाही. मोपा लिंक रोड उद्घाटनाच्या भाषणात केंद्रीय मंत्री नितीन गडकरी यांचे वक्तव्य.

मोपा लिंक रोडवरील टोल गेटवर पेडणेतील स्थानिक टॅक्सीवाल्यांना टोल माफी शक्य नाही. पण केंद्रीय मंत्री नितीन गडकरींकडे स्थानिक टॅक्सीवाल्यांसाठी सवलतीत पास देण्याची विनंती. मुख्यमंत्री डॉ. प्रमोद सावंत यांचे मोपी लिंक रोड उद्घाटनाच्या भाषणात माहिती.

केंद्रीय मंत्री नितीन गडकरींचे मोपा विमानतळ आगमन. मंत्री माविन गुदिन्होंनी केले स्वागत. गडकरींच्या हस्ते होणार मोपा लिंक रोडचे उद्घाटन.

कन्हैयाकुमार मंडोल खून प्रकरण मायणा कुडतरी पोलिसांकडून ट्रक चालक वासू कांबळी मदार याला अटक करण्यात आली आहे. पोलिसांनी ट्रक देखील जप्त केला असून, चालक वासूला रिमांडसाठी न्यायालयासमोर हजर केले जाणार आहे.

मंत्री निळकंठ हळर्णकरांची गाडी अडविल्या प्रकरणी आणि त्यांच्याशी वाद घालण्याच्या आरोपावरून गौरव बक्षीला अखेर कोलवाळ पोलिसांकडून अटक.

गोव्यात आता टुरिस्ट अँबेसिडर कोर्स सुरु केला जाणार आहे. यातून विद्यार्थ्यांना फ्रेंच, रशियन आणि जर्मन भाषेचे धडे दिले जातील. पुढील पाच वर्षात राज्यातील हॉस्पिटलिटी श्रेत्रात दोन लाख रोजगार संधी निर्माण होतील, असे मुख्यमंत्री प्रमोद सावंत म्हणाले.

कोकण रेल्वेकडून आज (11 जुलै) धावणारी मडगाव जंक्शन ते मुंबई सीएसएमटी वंदे भारत (रेल्वे क्र. 22230) आणि मंगळुरु जंक्शन ते मुंबई सीएसएमटी एक्स्प्रेस रद्द. तर, तिरुवनंतपुरम सेंट्रल - एच. निजामुद्दीन (रेल्वे क्र. 22633) मार्ग बदलेली एक्स्प्रेस नेहमीच्या मार्गाने धावेल.

साळगाव येथील रस्त्यांच्या दुरावस्थेविरोधात गोव्यातील आम आदमी पक्षाचे गुरुवारी (11 जुलै) आंदोलन. काँग्रेसमधून भाजपमध्ये पक्षांतर केलेले आमदार केदार नाईक दिलेली आश्वासने पूर्ण करण्यात अपयशी ठरल्याचा आपचा आरोप.

गोवा माईल्सचे टॅक्सी चालक स्थानिक टॅक्सी चालकांविरूद्ध तक्रार करण्यासाठी कोलवा पोलिसांत दाखल.

ख्रिश्चन समाजातील सुतारांचा राज्य ओबीसी यादीत समावेश आणि कृषी व दुग्ध उत्पादक शेतकऱ्यांना कॅशलेस सबसिडी वाटप हे दोन खासगी ठराव आमदार व्हेंझी व्हिएगस येणाऱ्या विधानसभा अधिवेशनात मांडणार. ख्रिश्चन सुतारांचे संविधानिक फायदे जपण्यासाठी आणि शेतकऱ्यांचा ताण कमी करण्यासाठी मांडणार ठराव.

डिचोलीतील बगलमार्ग रोखला. काँग्रेस कार्यकर्त्यांनी तिरडीसह आडवे होऊन बगलमार्ग अडवला. सुरक्षिततेच्या दृष्टीने उपाययोजना करेपर्यंत बगलमार्ग बंद ठेवा. कार्यकर्त्यांची मागणी.

पेडणेचे आमदार प्रवीण आर्लेकरांच्या घराबाहेर पेडणेकरांमध्येच राडा. पेडण्याचेच काही गोवा माईल्सचे टॅक्सी चालक आर्लेकरांसोबत चर्चा करायला गेले असता पेडणेचे स्थानिक टॅक्सी चालक तिथे गेले असता उद्भवला प्रसंग.