Death Due To Electric Shock:

कुळण-सवर्ण येथून एक धक्कादायक घटना समोर आली आहे. कुळण-सवर्ण येथील योगेश्वरी मंदिराच्या सभा मंडप परिसरात शॉक लागून 25 वर्षीय वैभव भिडे या तरुणाचा मृत्यू झाला. वैभव हा महाराष्ट्रातील झोळंबे-दोडामार्ग येथील रहिवासी आहे. गुरुवारी (17 ऑक्टोबर) रात्री साडेसात वाजण्याच्या ही धक्कादायक घटना सुमारास घडली.

मिळालेल्या माहितीनुसार, या ठिकाणी वैभव दुरुस्तीचे काम करत असताना विद्युत वाहिनीची स्पर्श होऊन पडला. त्या ठिकाणी उपस्थित असणाऱ्या लोकांनी वैभवला तात्काळ डिचोली येथील आरोग्य केंद्रात नेले. मात्र उपचारादरम्यान त्याचा मृत्यू झाला. कोजागिरी पौर्णिमेनिमित्त योगेश्वरी मंदिरात पालखी उत्सव चालू होता. वैभव हा योगेश्वरी मंदिरात कार्यालयीन काम करत होता. त्याच्या दुर्दैवी मृत्यूमुळे देवस्थान समिती तसेच भाविकांमधून हळहळ व्यक्त होत आहे.

बेत्तीत पाच वर्षीय मुलाचा मृत्यू

काही दिवसांपूर्वी, बेती येथे घराच्या अंगणात खेळणाऱ्या पाच वर्षीय मुलीच्या अंगावर कॉन्क्रीट खांब पडून तिचा दुर्दैवी मृत्यू झाल्याची हृदयद्रावक घटना समोर आली होती. तर व्हॉलिबॉल खेळताना एका 18 वर्षांच्या मुलाचा विजेचा शॉक लागून दुर्दैवी मृत्यूची घटना पालये-पेडणे येथे घडली होती. काही तरुण व्हॉलिबॉल खेळत होते. खेळताना त्यापैकी एका तरुणाचा लगतच्या विजेच्या खांबाला स्पर्श झाला होता. स्पर्श झाल्यावर लगेच तो धक्का बसून जमिनीवर कोसळला आणि तिथेच त्याचा मृत्यू झाला असल्याची माहिती समोर आली होती.