साडेपाच वर्षीय मुलीच्या मृत्यूप्रकरणी शवचिकित्सेनंतर खूनाचा गुन्हा नोंद. या प्रकरणी वास्को पोलिसांनी अनैसर्गिक मृत्यू म्हणून नोंद केला होता. वाडे-दाबोळीत निर्माणाधीन इमारतीजवळ पहाटे आढळला होता मुलीचा मृतदेह.

म्हापसा येथे बुधवारी मध्यरात्री घडलेल्या रोडरेज प्रकरणात फरार असलेले पवन तिरके आणि राज साळगांवकर हेच मुख्य सुत्रधार. जामिनावर सुटल्यानंतर ज्योवितो कुतिन्हो आणि एलरीच फर्नांडीस यांची माहिती.

कारापूर-सर्वण पंचायतीत सत्ताबदल होताना सरपंचपदाची माळ अखेर तन्वी सावंत यांच्या गळ्यात पडली आहे. शुक्रवारी (ता.१२) झालेल्या बैठकीत सावंत यांची सरपंचपदी बिनविरोध निवड झाली.

गावणे-सत्तरीत दोन मिनी पिकअप ट्रकमध्ये झालेल्या भीषण अपघातात डिचोलीतील चालक आनंद चारी याचा जागीच मृत्यू झाला आहे.

सांगोल्डा येथे २२ बेकायदेशीर बांधकामांवर कारवाई सुरु आहे. कारवाईवेळी एक व्यक्ती घरावरील साहित्य हटवत असताना खाली कोसळल्याने गंभीर जखमी झाला आहे. जखमीला उपचारासाठी जवळच्या रुग्णालयात दाखल करण्यात आले आहे.

गोव्यातील भाजपचे दोन्ही उमेदवार येत्या मंगळवारी (१६ एप्रिल) रोजी उमेदवारी अर्ज दाखल करणार आहेत. सकाळी ११ वाजता पल्लवी धेंपे आणि दुपारी १२.१५ वाजता श्रीपाद नाईक अर्ज दाखल करतील.

अश्विनी पोनप्पा यांच्यासह पॅरिस ऑलिम्पिक 2024 मध्ये महिला दुहेरीत भारताचे प्रतिनिधित्व करण्यासाठी पात्र ठरल्याबद्दल गोव्याची आघाडीची बॅडमिंटनपटू तनिषा क्रास्टोचे मुख्यमंत्री प्रमोद सावंत यांच्याकडून अभिनंदन.

हुकूमशाही पोर्तुगीज राजवटीविरुद्ध पहिली क्रांती कुंकळ्ळीकरांनी केली. गोव्याची अस्मिता टिकवून ठेवणारी ज्योत कुंकळ्ळीच्या सुपुत्राने प्रज्वलित केली.

कुंकोळकरांनी भारतीय राष्ट्रीय काँग्रेसचे नामांकीत इंडिया आघाडीचे उमेदवार कॅप्टन विरियातो फर्नांडिस यांना विजयी करुन हुकूमशाही भाजपचा पराभव करण्याचा निर्धार केला आहे, अशी गर्जना विरोधी पक्षनेते युरी आलेमाव यांनी कुंकळ्ळीत केली.

उच्च न्यायालयाच्या निर्देशानुसार शिवोली येथील रस्ता रूंदीकरणासाठी केलेल्या बेकायदेशीर वृक्षतोडी प्रकरणी कळंगुटचे आमदार मायकल लोबो जबानी नोंदविण्यासाठी परिक्षेत्र वन कार्यालयात (RFO) दाखल.

निर्माणाधीन इमारतीच्या जवळ सापडला पाच वर्षीय मुलीचा मृतदेह. मृतदेह रुग्णालयात दाखल करण्यात आला असून, अधिक तपास सुरु आहे.

सांगोल्डा कोमुनिदाद जागेतील 22 बांधकामे मोडण्याच्या प्रक्रियेत अडथळा आणणाऱ्या तिघांना पोलिसांनी घेतले ताब्यात. 22 पैकी एक घर केले जमीनदोस्त. पुढील कारवाई सुरू. घटनास्थळावर मोठ्या प्रमाणात पोलिस बंदोबस्त तैनात.