व्यंकटेश (दादा) नाईक यांची तिसऱ्यांदा ढवळी अर्बन को-ऑपरेटीव्ह क्रेडीट सोसायटीच्या अध्यक्षपदी बिनविरोध निवड. उपाध्यक्षपदी मशाल आडपईकर, विनायक नाईक यांची सचिवपदी तर संदीप ढवळीकर यांची खजिनदारपदी निवड.

धामशे, सत्तरी येथे BSNLने केबलसाठी खोदलेल्या चरीमुळे धामशे गतिरोधक ते पूलापर्यंतचा 800 मीटर रस्ता खचला. असाच पाऊस सुरु राहिल्यास पूर्ण रस्ता खचण्याची शक्यता आहे.

मोले-बेळगाव राष्ट्रीय महामार्ग वाहतूकीसाठी खुला करण्यात आला आहे. अनमोड घाटावर दूधसागर देवालयाच्या परिसरात सकाळी (18 जुलै) दरड कोसळल्याने राष्ट्रीय महामार्ग वाहतूकीस बंद करण्यात आला होता.

गोव्याचे नूतन डीजीपी अलोक कुमार यांनी कांदोळी खून प्रकरणाचा 36 तासांत छडा लावल्याबद्दल कळंगुट पोलिसांचे अभिनंदन केले.

म्हापसा प्रथम श्रेणी न्यायालयाकडून कांदोळी खूनप्रकरणी आरोपी अरविंद राजू पवारला 8 दिवसांची पोलीस कोठडी सुनावण्यात आली. आरनॅाल्ड सुआरिस यांच्या खूनाच्या आरोपाखाली पवारला अटक केली होती.

राज्यात अपघाताचे सत्र सुरुच आहे. म्हापसा येथील अंकुर हॉस्पिटलसमोरील डांगी कॉलनी येथे तीन वाहनांमध्ये धडक झाली. या अपघातात एकजण गंभीर जखली झाला असून त्याला जिल्हा रुग्णालयात दाखल करण्यात आले आहे. म्हापसा पोलिसांनी घटनास्थळी पोहोचून तपास सुरु केला आहे.

रगाडा नदीला पूर आल्याने साकोर्डा मधलवाडा-बोळकर्ण रस्ता पाण्याखाली गेला. तसेच, देऊळमळ पूलावरुन पाणी वाहत असून बोळकर्ण तांबडी सुर्ला आणि गुळेली वाळपाई मार्ग जाणारी वाहतूक बंद करण्यात आलीय.

ऐन पावसात डिचोलीत कचऱ्याचा प्रश्न पेटला. रोलिंगमिल परिसरात पुन्हा कचऱ्याची दुर्गंधी. सरकारने या समस्येवर तात्काळ तोडगा काढावा, अन्यथा स्वस्थ बसणार नाही असा इशारा स्थानिकांनी दिलाय.

गोवा हवामान खात्याने राज्यात दोन दिवस (आज, उद्या) रेड अलर्ट जारी केला असून, शनिवारपासून ऑरेंज अलर्ट जारी केला आहे. गोव्यात पुढील पाच दिवस मुसळधार पावसाचा इशारा हवामान खात्याने दिला आहे.

विरोधी पक्षनेते युरी आलेमाव यांनी दाबोळी विमानतळावरुन विमानसेवा मोपाला हलवल्यामुळे दक्षिण गोव्याच्या अर्थव्यवस्थेला होणारा धोका यावर लक्षवेधी सुचना मांडली आहे. सभापतींनी ती कामकाजात दाखल करुन त्यावर आज सभागृहात चर्चा होईल.

डिचोलीत घरावर झाड कोसळले. शहरातील जोगीवाडा येथील महिलेच्या घरावर झाड कोसळले. आर्थिक हानी वगळता मातेसह मुलगा सुरक्षित. घराची मोडतोड. मुलासह महिलेचे सुरक्षित ठिकाणी स्थलांतर. बुधवारी रात्रीची घटना.

आमरखणे, केरी, फोंडा येथे संरक्षक भिंत कोसळल्याने रस्ताही खचला. मुसळधार पावसाने अर्धा रस्ता वाहून गेल्याने रस्त्यावरून ये-जा करणाऱ्यांसाठी धोका निर्माण झालाय.

अनमोड घाटावर दुधसागर देवालयाच्या परीसरात सकाळी दरड कोसळली. मोले ते बेळगाव राष्ट्रीय महामार्ग वाहतुकीस बंद.