मत्स्य मंत्री नीलकंठ हळर्णकर यांना अपशब्द वापरून त्यांच्या अंगावर धाव घेतल्याप्रकरणी व अंगरक्षक तसेच चालकास शिवीगाळ केल्याप्रकरणी कोलवाळ पोलिसांनी दिल्ली येथील गौरव बक्षी जमीन एजंटला ताब्यात घेतले आहे. पुढील तपास कोलवाळ पोलीस करीत आहे.

कोट्यावधी रुपये खर्चून दुरुस्त केलेल्या कला अकादमीची नवी साऊंड सिस्टम कालबाह्य आणि सुमार दर्जाची. 2003साली कला अकादमीत साऊंड सिस्टम घातलेल्या 'साऊंड मॅन ऑफ इंडिया' रॉजर ड्रॅगो यांनी स्वता नव्या कला अकादमीच्या साऊंड सिस्टमची पहाणी केल्यानंतर व्यक्त केली खंत.

विरोधी पक्षनेते युरी आलेमाव यांच्या “ओपिनियन पोल दिवस” आणि केपेंचे आमदार एल्टन डिकोस्ता यांच्या "अनुसूचित जमातींसाठी राजकीय आरक्षण" ह्या खाजगी सदस्यांच्या ठरावासाठी निवड क्रमांकात अनुक्रमे तिसरे व पहिले स्थान मिळाले आहे. खाजगी सदस्यांचे ठराव शुक्रवार, 19 जुलै 2024 रोजी चर्चेसाठी येतील.

मंगळुरु ट्रेन क्रमांक 12619 सावंतवाडी स्थानकावर थांबवून प्रवाशांना बसद्वारे मडगावमध्ये आणण्यात आले. मडगाव स्थानकावरून 3:30 वाजता प्रवासी ट्रेनद्वारे प्रवाशांना मंगळुरुला नेण्यात आले. कोकण रेल्वेचे उपसरव्यवस्थापक बबन घाटगे यांची माहिती.

गोमंतकीय कावी आर्ट कलाकार सागर नाईक मुळेने पुन्हा उंचावली गोमंतकीयांची मान. नवी दिल्लीतील भारत मंडपम येथे जागतिक वारसा समिती (UNESCO) बैठकीत होणार सहभागी. केंद्रीय वस्त्र मंत्रालयाकडून सागरला आमंत्रण. 21 जुलै ते 31 जुलै बैठकीचे आयोजन.

कला अकादमीमध्ये सार्वजनिक बांधकाम विभाग, कला आणि संस्कृती खात्याचे अधिकारी आणि कलाकार तसेच ध्वनी, प्रकाशयोजना आणि स्थापत्यशास्त्रातील तज्ज्ञांसमवेत केलेल्या पाहणीचा अनुभव भयानक होता.

मी सविस्तर अहवाल तयार करत असून तो मुख्यमंत्री डॉ. प्रमोद सावंत यांना सादर करुन त्यावर कालबद्ध कारवाई करण्याची मागणी करणार आहे असे विरोधी पक्षनेते युरी आलेमाव यांनी सांगितले.

आसगाव घर मोडतोड प्रकरणी मुख्य संशयित पूजा शर्माचा जामीन अर्ज पणजी सत्र न्यायालयाने फेटाळला.

कोकणी रोमन लिपीसाठी लढा देणार, ग्लोबल कोकणी फोरमच्या वतीने फ्लोरीयानो वाझ यांच्या पुतळ्यासमोर शपथ. रोमन ऐवजी देवनागरी लिपी देऊन सरकारने कॅथलिक समाजावर मोठा अन्याय केल्याचा आरोप केनेडी अफोन्सो यांनी केला.

गोवा सरकारने सरपंच, उपसरपंचासह पंच सदस्यांच्या वेतनात दोन हजाराने वाढ करण्याचा निर्णय मंत्रीमंडळाच्या बैठकीत घेतला आहे. सरपंच ८,०००, उपसरपंचांना ६,५०० तर पंच सदस्यांना ५,५०० वेतन मिळणार आहे.

दिगंबर कामत यांच्याशी देव बोलू लागलाय. म्हणूनच कदाचित त्यांना देवाकडून दुसऱ्यांना पडणारी स्वप्ने कळू लागलीत. विजय सरदेसाई यांनी साधला दिगंबर कामत यांच्यावर निशाणा.

कोकण रेल्वे‌ मार्गावरील मालपे येथील बोगद्यात चिखलमिश्रित पाणी भरल्याने उत्तररात्री 3 वाजल्यापासून कोकण रेल्वे वाहतूक ठप्प. अनेक गाड्या रद्द तर काही इतर मार्गाने वळवल्या. कोकण रेल्वेचे उपसरव्यवस्थापक बबन घाटगे यांची माहिती.