डिचोली ते साखळी मार्गावर कुळण येथे गुलमोहराचे झाड पडल्याने रस्ता वाहतुकीस बंद झाला. डिचोली अग्निशामक दलाच्या जवानांनी झाड हटवून रस्ता वाहतुकीस खुला केला. सुदैवाने त्याचवेळी रस्त्यावर वाहने नसल्याने अनर्थ टळला.

मुख्य जलवाहिनीचे काम करायचे असल्याने १५ व १६ ऑक्टोबर दरम्यान डिचोली तालुक्यात मर्यादित पुरवठा असेल.

राज्यातील वाढत्या अपघातांवर बोलताना "दारू पिऊन गाडी चालवू नका, दारू प्यायची असेल तर घरीच प्या" किंवा बारमध्ये जाऊन दारू प्यायची असेल तर सोबत ड्राइव्हर ठेवा असे मुख्यमंत्री डॉ. प्रमोद सावंत म्हणालेत. इंटरस्टेट बसच्या चालकांना अल्कोमीटरचा वापर करावा लागेल आणि याबद्दलच्या सूचना आरटीओ आणि वाहतूक विभागाला दिल्या जातील असेही त्यांनी स्पष्ट केले आहे.

गोव्यातील अपघात आणि रफ ड्रायव्हिंग पाहून मुख्यमंत्री डॉ. प्रमोद सावंत यांनी "भिवपाची गरज आसा" असा संदेश दिला आहे. शिवाय, सुरक्षा ही केवळ विभाग आणि सरकारचीच नव्हे तर प्रत्येक नागरिकाची जबाबदारी असल्याचं ते म्हणालेत.