गोवा सरकारने काल दिनांक 15 ऑक्टोबर रोजी बिअरवरील उत्पादन शुल्कात 10-12 रुपये प्रति बल्क लीटरने वाढ केली आहे. यामुळे गोवा सरकारला अतिरिक्त 50 कोटी रुपये मिळतील असा अंदाज व्यक्त केला जात आहे. या पार्श्वभूमीवर गोवा राज्यातील मद्य विक्रेत्यांनी चिंता व्यक्त करत राज्यातील मद्याच्या (Hard Liquor) किंमतीकडे लक्ष वेधले.

(Goa to earn additional Rs 50 crore/year from hike in excise on beer)

मिळालेल्या माहितीनुसार दरवर्षी सुमारे 60 दशलक्ष बिअरची विक्री करणार्‍या गोव्यातील मद्य उद्योगाने 10-12 रुपयांची वाढ स्वीकारली आहे, परंतु पर्यटन हंगामाच्या पूर्वसंध्येला अल्कोहोलचे प्रमाण जास्त असलेल्या ( Hard liquor ) दारूच्या किमती चढ्या आहेत .असे असताना या किमती आणखी वाढणार का? अशी भिती व्यक्त केली आहे.

एका किरकोळ मद्य विक्रेत्याने विदेशी मद्याच्या किमतीही वाढवल्या जातील का? हा खरा प्रश्न आहे असे म्हटले आहे. या विक्रेत्याने स्वस्त दारुच्या दरासाठी ओळखला जाणारा गोवा आता देशातील सर्वात स्वस्त दारूचे ठिकाण राहिलेले नाही. असे नाराजीच्या स्वरात सांगितले

यावेळी काही मद्य विक्रेत्यांनी दिल्ली, हरियाणा आणि चंदीगडमध्ये मद्याचे ( Hard liquor ) दर अधिक परवडणारे आहेत असे म्हटले. यातच महाराष्ट्र सरकारने गोव्यातून राज्यात दारू आणणाऱ्या लोकांवर गुन्हा करण्याची धमकी दिली आहे. त्यामुळे गोवा राज्यातील मद्य खरेदीवर याचा गंभीर परिणाम होईल असे ही म्हटले आहे.