Health News : पणजी, राज्यातील सरकारी इस्पितळे व आरोग्य केंद्रांमध्ये रुग्णांना चांगली व वेळेत आरोग्य सेवा देण्यासाठी साधनसुविधा व पुरेसे कर्मचारी नाहीत. तेथे स्वच्छता, औषधे व उपचार उपलब्ध करणे महत्त्वाचे आहे.

गेल्या काही वर्षांत आरोग्य सेवेत काही प्रमाणात सुधारणा झाली असली तरी त्यामध्ये अजूनही कमतरता आहे. त्याची पूर्तता करण्याची सूचना गोवा खंडपीठाने केली आहे.

राज्यातील आरोग्य व्यवस्था बिकट असल्याची याचिका प्रकाश सरदेसाई आणि विश्‍वेश सरदेसाई यांनी २००७ साली सादर केली होती. याचिकेत आरोग्य सचिव, आरोग्य संचालक, गोवा वैद्यकीय महाविद्यालय व इस्पितळ, गोवा वैद्यकीय मंडळ तसेच भारतीय वैद्यकीय मंडळ यांना प्रतिवादी केले होते.

याकडे लक्ष द्या!

इस्पितळे, आरोग्य केंद्रांना वेळेवर व मुबलक औषधांचा पुरवठा करण्यासाठी शिस्तबद्ध पद्धत सुरू करावी.

रिक्त जागा अधिक काळ भरल्याशिवाय ठेवू नयेत. त्यांची प्रक्रिया आधीच सुरू करावी. उपकरणांची दैनंदिन देखभाल करावी.

इस्पितळे, आरोग्य केंद्र प्रमुखांना आरोग्य सेवेसाठी लागणारा निधी वापरण्यासाठी विशेष अधिकार द्यावेत.

उपकरणांच्या दुरुस्तीसाठी प्रमुखांना अधिकार द्यावेत. गरीब, ज्येष्ठ नागरिक, अपंग, महिला व मुलांसाठी विशेष सुविधा उपलब्ध कराव्यात.

आरोग्य हीच संपत्ती

सरकारी इस्पितळे, आरोग्य केंद्रे तसेच सरकारी दवाखान्यांमधील आरोग्य सुविधा, रुग्णांची औषधांसाठी होणारी परवड, सोयीसुविधा तसेच उपचारांची कमतरता यासंदर्भात ही याचिका सादर केली होती.

या याचिकेवर निवाडा देताना खंडपीठाने ‘आरोग्य हीच खरी संपत्ती आहे, सोन्या - चांदीचे तुकडे नाहीत’ अशा शब्दांत निरीक्षण नोंदवले