Goa School Academic Year Parents Suggestion

पणजी: २८ मार्च रोजी विद्यार्थ्यांच्या परीक्षा संपतील आणि नंतर पुन्हा १ एप्रिलला नवीन शैक्षणिक वर्ष सुरू होईल. तेव्हा विद्यार्थ्यांना परीक्षेचा ताण घालविण्यासाठी नवीन शैक्षणिक वर्षाच्या तयारीसाठी वेळच मिळणार नाही.

त्यामुळे एप्रिलमध्ये नवीन वर्ष सुरू करण्याऐवजी ते पूर्वीप्रमाणे जूनमध्येच सुरू करावे, असे प्रतिपादन पालक सिसिल रॉड्रिगीस यांनी केले.

शिक्षण संचालक शैलेश झिंगडे यांना शैक्षणिक वर्ष जूनमध्ये सुरू करावे यासंबधी राज्यातील विविध भागातून आलेल्या पालकांसमवेत निवेदन दिल्यानंतर त्या माध्यमांशी बोलत होत्या.

सुट्टीच्या कालावधीत विद्यार्थी विविधांगी कार्यशाळांमध्ये सहभागी होत असतात, परंतु या निर्णयामुळे एकाअर्थी विद्यार्थ्यांच्या सर्वांगीण विकासात अडथळा निर्माण होतो.

एप्रिलमध्ये शाळा सुरू करण्यासाठी शैक्षणिक संस्था, पालक, पालक शिक्षक संघाशी चर्चेविनाच हा निर्णय घेण्यात आला.

उष्म्याच्या कालावधीत शाळेत ज्या साधनसुविधा हव्यात त्या अनेक शाळांमध्ये उपलब्ध नाहीत.