Fire in Goa : सांगे भागातील आगलावेपणा अजून थांबत नसून चार दिवसांपूर्वी येथे एकाच दिवशी चार ठिकाणी आग लागून मालमत्तेची हानी झाल्याची नोंद झाली असताना मंगळवारी सायंकाळी अचानक आयआयटी डोंगरावर आग लागली.

जिथे आयआयटी साकारणार होती त्या डोंगराच्या पायथ्याशी काही शेतकऱ्यांनी काजू लागवड, त्याखाली शेती-बागायती निर्माण केल्या असल्या तरी केरीपाठोपाठ आता सांगेतही डोंगर पेटू लागल्याने सांगेत हा विषय चर्चेचा बनला आहे. आग नेमकी कशामुळे लागली याचे कारण अस्पष्ट आहे

चार दिवसांपूर्वी भाटी-सांगे येथे आग लागून सगुण गावकर, कृष्णा वेळीप, आनंद भाटीकार, चंदा गावकर यांच्या मळ्यांना आग लागून लहान पोफळी, काजू, कवाथे, केळी जळून खाक झाल्या होत्या. भर उन्हात आग लागत असल्यामुळे सहजरीत्या आग आटोक्यात आणणे अशक्य बनले आहे.