Goa: सुरवातीला ऑनलाईन परीक्षा (Online Exam) घेणार असे सांगून आता शेवटच्या क्षणी ऑफलाईन परीक्षा घेण्याचा निर्णय नावेली येथील रोझरी उच्च माध्यमिक विद्यालयाने (Rosory Higher Secondary School) घेतल्याने बारावीचे विद्यार्थी घाबरून गेले असून, काही संतप्त विद्यार्थ्यांनी आज (गुरुवारी) आपच्या नेत्या प्रतिमा कुतिन्हो (AAP Party Vice President Pratima Kutinho) यांच्याबरोबर रस्त्यावर येणे पसंद केले. या विद्यालयातील विद्यार्थ्यांना सुरवातीला ऑनलाईन परीक्षा घेणार असे सांगण्यात आले होते; मात्र दोन दिवसांपूर्वी त्यांना सोमवारपासून या परीक्षा ऑफलाईन घेण्यात येतील असे सांगत परीक्षेचे वेळापत्रकही (Time Table) पाठवून दिल्याची माहिती यावेळी विद्यार्थ्यांनी दिली.

यावेळी बोलताना प्रतिमा कुतिन्हो यांनी एका बाजूने मुख्यमंत्री प्रमोद सावंत ज्या विद्यार्थ्यांना कोविडची लस दिली गेली अशासाठी फक्त महाविद्यालयीन विद्यार्थ्यांचे वर्ग सुरू होतील असे सांगतात आणि दुसऱ्या बाजूने लस दिलेल्या १७ वर्षाखालील विद्यार्थ्यांची ऑफलाईन परीक्षा घेऊन त्यांना कोविडच्या दाढेत कशाला ढकलू पाहत आहेत, असा सवाल करून आता मुख्यमंत्री प्रमोद सावंत यांनीच या प्रकरणात लक्ष घालावे, अशी मागणी त्यांनी केली. (Goa)