गोव्यात आज (दि.19 ऑक्टोबर) सलग दुसऱ्या दिवशी 20 नव्या कोरोना बाधित रूग्णांची नोंद झाली आहे. मंगळवारी देखील राज्यात वीस रूग्णांची नोंद झाली आहे. आज दिवसभरात 39 बरे झालेल्यांना डिस्चार्ज देण्यात आला आहे. आज दिवसभरात 776 प्रयोगशाळा नमुने तपासण्यात आले. राज्यातील सक्रिय कोरोना रूग्णांची संख्या कमी झाली असून, सध्याच्या घडीला 117 सक्रिय कोरोना रूग्णांवर उपचार सुरू आहेत. (Active Corona Cases in Goa)

गोवा आरोग्य विभागाच्या (Goa Health Department) वतीने प्रसिद्ध करण्यात आलेल्या आकडेवारीनुसार, गोव्यात आजवर 2 लाख 58 हजार 533 जणांना कोरोनाची बाधा झाली आहे. त्यापैकी 2 लाख 54 हजार 403 कोरोनामुक्तांना डिस्चार्ज देण्यात आला आहे. रिकव्हरी रेट वाढून 98.40 टक्के एवढा झाला आहे. राज्यात आजवर राज्यात 4,013 जणांचा कोरोनामुळे मृत्यू झाला आहे.

देशात 25,968 सक्रिय कोरोना रूग्ण

भारतात सध्याच्या घडीला 25,968 सक्रिय कोरोना रूग्णांवर (Active Corona Cases) उपचार सुरू आहेत. गेल्या चोवीस तासांत 1,946 नव्या कोरोना बाधित रूग्णांची नोंद झाली असून, 2,417 बरे झालेल्यांना डिस्चार्ज देण्यात आला आहे. देशाचा रिकव्हरी रेट 98.76 टक्के एवढा आहे. देशाचा आवड्यांचा पॉझिटिव्हिटी रेट 1.01 एवढा आहे. (Covid-19 Cases in India)