Goa Monsoon 2025

पणजी: राज्यात मागील दोन दिवसांपासून पावसाची तीव्रता वाढली आहे. सोमवारी (१८ ऑगस्ट) पहाटेपासूनच जोरदार पावसाची बरसात सुरू आहे. अनेक ठिकाणी पडझडीच्या घटना घडल्या. रस्ते पाण्याखाली गेले.

दरम्यान, गोव्यात मंगळवारपासून (१९ ऑगस्ट) पावसाची तीव्रता काही अंशी कमी होण्याची शक्यता गोवा वेधशाळेने व्यक्त केली आहे. राज्यात मध्यम स्वरूपाचा पाऊस पडणार असल्याने गोवा वेधशाळेद्वारे पुढील चार दिवसांसाठी 'यलो अलर्ट' जारी केला आहे.

मुंबईसह सर्वदूर महाराष्ट्रात सोमवारी (१८ ऑगस्ट) पहाटेपासूनच जोरदार पाऊस कोसळत आहे. परिणामी, महाराष्ट्राच्या आर्थिक राजधानीतील सखल भागांत पाणी साचल्यामुळे नागरिकांची त्रेधातिरपीट उडाली आहे. मराठवाडा, विदर्भ, खानदेशासह पश्चिम महाराष्ट्रातील अनेक जिल्ह्यांत आज मुसळधार ते अतिमुसळधार पावसाचा इशारा देण्यात आला आहे.

दरम्यान, काही भागात शाळांना सुट्टी जाहीर करण्यात आली आहे. ६ मुसळधार पावसामुळे उद्भवलेल्या पूरस्थितीमुळे मराठवाड्यात जणांचा मृत्यू झाला आहे. यात नांदेड जिल्ह्यातील ३, बीड जिल्ह्यातील २ व हिंगोली जिल्ह्यातील एका व्यक्तीचा समावेश आहे. नांदेड जिल्ह्यातील मुखेड येथे पावसामुळे बिकट स्थिती निर्माण झाल्यामुळे तिथे लष्कराला पाचारण करण्यात आले आहे.