पणजी: गोव्यात दरवर्षी मुबलक प्रमाणात पाऊस बरसत असतो. यंदाही तशाच स्वरूपात बरसण्याची अपेक्षा आहे. मात्र यंदा देशभरात मुबलक प्रमाणात पावसाची बरसात होण्याची शक्‍यता हवामान खात्याने वर्तविली आहे. यंदा जूनच्या सुरूवातीला मान्सूनचे आगमण आज होईल असे म्हणत असता पाऊस गेल्या वर्षीच्या तुलनेत यंदा दहा दिवस उशिरा गोव्यात दाखल झाला.

यंदा मान्सूनला सुरूवात 9 जूनला झाली. त्यानंतर मध्यम व तुरळक स्वरूपाचा पाऊस बरसत होता. मात्र 19 जून पासून पावसाने जोर धरला तो 17 जुलैपर्यंत पावसाने जोरदार बरसात केली. ही बरसात एवढी झाली की आत्तापर्यंत राज्यात सरासरी पावसाच्या तुलनेत 24 टक्के अधिक पावसाची बरसात झाली आहे.

पुन्हा पाण्याची नासाडी; जलवाहिनीला पुन्हा भगदाड

डिचोली: राज्य महामार्गाअंतर्गत येणाऱ्या बगलमार्गावर नाईकनगर-बोर्डे परिसरात मोठी जलवाहिनी पुन्हा एकदा फुटली असून, या जलवाहिनीतून प्रचंड प्रमाणात पाण्याचा अपयव्य चालू आहे. ही जलवाहिनी नेमकी कधी फुटली, त्याची निश्चित माहिती मिळाली नसली, तरी गेल्या आठवड्यात ही जलवाहिनी फुटल्याची खात्रीलायक माहिती मिळाली आहे. नाईकनगर भागातील एका नागरिकाने या माहितीस दुजोरा दिला.