Tree Uprooted on Miramar Road : राज्यात जोरदार पावसाने हजेरी लावल्याच्या काहीच दिवसात पडझडीच्या घटनांना सुरुवात झाली आहे. मोठमोठी झाडे उन्मळून पडत असल्याने नागरिकांना जीव मुठीत घेऊन प्रवास करावा लागत आहे. वेरे येथे अशीच एक घटना घडली आहे.

वेरे येथील कारशेडवर एक मोठे झाड कोसळले. यामुळे गाडीचे मोठ्या प्रमाणात नुकसान झाले आहे. यानंतर झाड हटविण्यासाठी पिळर्ण अग्निशमन दल घटनास्थळी दाखल झाले असून कारशेडवरील झाड हटवण्यात आले.

अशीच घटना मिरामार रोडवरही घडली. रस्त्यावर एक झाड उन्मळून पडल्याने काही काळ वाहतूक ठप्प झाली होती. मात्र ताबडतोब पडलेले हे झाड अग्निशमन दलाच्या जवानांनी हटवले, वाहतूक पुन्हा सुरळीत झाली.

दरम्यान, दुतळे-मडकई येथील एका घरावर आंब्याचे झाड कोसळल्याने संपूर्ण घर जमीनदोस्त झाले. दरम्यान, घटना घडली त्यावेळी घरात असलेले पती पत्नी घराच्या बाहेर धावत आल्याने सुदैवाने त्यांचा जीव बचावला.