पणजी: गोवा लोकसेवा आयोगाने (जीपीएससी) विविध खात्यांतील १६ पदांसाठी भरती प्रक्रिया निश्चित केली आहे. त्यात पशुवैद्यकीय अधिकाऱ्यांच्या दहा पदांचा समावेश आहे.
पशुवैद्यकीय अधिकाऱ्यांची दहा पदे राखीव असून, या पदासाठी मासिक वेतन ३९ हजार रुपये असणार आहे. या पदासाठी उमेदवाराची गोवा पशुवैद्यकीय मंडळाकडे नोंदणी झालेली असावी. गोवा वैद्यकीय महाविद्यालयात साहाय्यक प्राध्यापकांच्या तीन पदांची भरतीही होणार असून, त्यांना ४५ हजार रुपये वेतन असेल. या पदासाठी संकेतस्थळावर आवश्यक पात्रता नमूद केली आहे.
कामगार खात्यांतर्गत ईएसआय इस्पितळात वरिष्ठ ऑर्थोपेडिक सर्जन हे पदही भरले जाणार आहे. शिवाय कारखाना आणि बॉयलर विभागात प्रकल्प अधिकारी हे पद रिक्त असून, तेही भरले जाणार आहे. विज्ञान आणि तंत्रज्ञान खात्यात उपसंचालक आणि संग्रहालय विभागात क्युरेटर हे पद ‘ट्रान्स्फर ऑन डेप्युटेशन’ या नियमानुसार भरण्यात येणार आहे.
अर्ज भरण्यापूर्वी उमेदवारांनी आयोगाच्या संकेतस्थळावरील सूचना पहाव्यात.
अर्जावर मोबाईल नंबर, ई-मेल आयडीचा उल्लेख करणे आवश्यक आहे.
अर्जांची पूर्णत: छाननी झाल्यानंतर आयोगातर्फे पात्र उमेदवारांना मुलाखतीसाठी निमंत्रित केले जाईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.