Goa Politics: गोव्याचे मुख्यमंत्री (Chief Minister) प्रमोद सावंत यांनी शुक्रवारी सांगितले की, "जवळपास आठ ते दहा मोठ्या राजकीय (Political) नेत्यांना भाजपमध्ये (BJP) सामील व्हायचे आहे कारण हा सर्वात मोठा लोकशाही पक्ष आहे. भाजपमध्ये प्रवेश करू इच्छिणाऱ्या सर्व नेत्यांचे आम्ही स्वागत करतो."

पत्रकारांशी बोलताना त्यांनी मंत्रिमंडळ फेरबदलाचे प्रश्न टाळण्याचा प्रयत्न केला. मंत्रिमंडळात फेरबदल होणार का, असे विचारले असता सावंत गूढपणे म्हणाले, "तुम्हाला तसा विचार करायचा असेल तर तुम्ही ते करू शकता".

"येत्या दोन महिन्यांत अनेकजण भाजपमध्ये प्रवेश करणार आहेत. बर्‍याच लोकांना भाजपमध्ये सामील व्हायचे आहे. आम्ही त्यांना थांबायला सांगितले आहे. एक एक करून पक्ष प्रवेशाच्या तारखा देण्यात येतील," मुख्यमंत्री म्हणाले.

नुकतेच वास्कोचे अपक्ष उमेदवार कृष्णा साळकर यांनी भाजपमध्ये प्रवेश केला, त्यानंतर साळीगावचे माजी आमदार जयेश साळगावकर यांनी भाजपमध्ये प्रवेश केला.