Pernem Crime मधलावाडा विर्नोडा येथे आज दुपारी मंगळसूत्र चोरल्याची घटना घडली आहे. दुकानाची मालकीण सुचीता सीताराम नाईक (वय 43) या कामात व्यस्त असताना तसेच त्या एकट्या असल्याचा फायदा घेऊन त्यांचे मंगळसुत्र लंपास करून दोन चोरट्यानी पळ काढलाय.

मिळालेल्या माहितीनुसार या लंपास केलेल्या सोन्याच्या मंगळसुत्राची किंमत दिड लाख रुपये एवढी होती. हे दोन्ही चोरटे काळ्या रंगाच्या पल्सर मोटारसायकलने आले असल्याची माहिती मिळाली आहे.

सदर चोरट्यांनी सुचीता नाईक या कामात व्यस्त असल्याचे पाहून आणि दुकानात अन्य कुणीही नसल्याचे फायदा घेउन नाईक यांच्या गळ्यातील मंगळसुत्र हिसकावून मोटारसायकलवरुन पळ काढला.

दरम्यान ते दोघेही हिंदीत बोलत असल्याची माहिती नाईक यांनी पोलिसांना दिली. या प्रकरणाचा पुढील तपास पेडणे पोलीस ठाण्यातील उपनिरीक्षक गोलतेकर हे करत आहेत