IFFI Goa 2022: आज पत्रकारितेत, सनसनाटी, खळबळजनक ब्रेकिंग न्यूजचे युग आले आहे, अशा काळात कोणतीही बातमी ‘विशेष, खास किंवा एकमेव’ बातमी राहत नाही, असे मत, ‘फ्रेम’ या चित्रपटाचे दिग्दर्शक, विक्रम पटवर्धन यांनी व्यक्त केले आहे.

यावेळी छायाचित्र-पत्रकाराच्या आयुष्याविषयी बोलताना विक्रम पटवर्धन म्हणाले, छाया-पत्रकार एकाच दिवसात अनेकविध विश्वे अनुभवत असतो. आपल्या स्वतःच्या अनुभवांच्या आधारावर त्यांना छायाचित्रकाराच्या आयुष्यातील आव्हाने या चित्रपटातून मांडायची होती.

जेव्हापासून फोटो निर्मितीमध्ये, नवे तंत्रज्ञान आले आहे, तेव्हापासून छाया-पत्रकारितेच्या व्यवसायात आमूलाग्र परिवर्तन झाले आहे, असंही ते पुढे म्हणाले. नागराज मंजुळे, अमेय वाघ, मुग्धा गोडसे, अक्षय गुरव हे कलाकार या चित्रपटात आहेत.

53 व्या इफ्फीदरम्यान पत्रसूचना कार्यालयाने आयोजित केलेल्या ‘टेबल टॉक्स’ या संवाद सत्रात त्यांनी आज माध्यम प्रतिनिधी आणि इतरांशी संवाद साधला. विक्रम पटवर्धन म्हणाले, ‘फ्रेम’ हा अशा छाया-पत्रकाराच्या आयुष्यावरील सिनेमा आहे.