Goa News: राज्यात कब्रस्तानचा प्रश्‍न दिवसेंदिवस अधिक जटील होत आहे. खोर्ली येथील मुस्लिम बांधवांसाठी कब्रस्तानासाठी तिसवाडीमधील जुने गोवे, करमळी व कुंभारजुवे पंचायत क्षेत्रात सरकारकडे जागा नाही, अशी माहिती उत्तर गोवा जिल्हाधिकाऱ्यांनी दिली आहे.

मानवी हक्क कायद्यानुसार मृत व्यक्तीला मोक्ष मिळावा यासाठी कब्रस्तानला लागणारी जागा उपलब्ध करण्याची गरज आहे, असे गोवा मानवी हक्क आयोगाने केलेल्या चौकशीत नमूद करून जिल्हाधिकाऱ्यांना खोर्ली परिसरातच जागा शोधण्यास 60 दिवसांची मुदत दिली आहे.

खोर्ली परिसरातील काही मुस्लिम बांधवांनी कब्रस्तानासाठी जागा उपलब्ध करण्याची मागणी करणारे निवेदन खोर्ली पंचायतीला दिले होते व त्याची एक प्रत मानवी हक्क आयोगाला 8 जुलै 2021 रोजी दिली होती.

आयोगाने या तक्रारीची दखल घेत खोर्ली पंचायतीला नोटीस बजावली होती. पंचायतीने दिलेल्या उत्तराने समाधानी न झाल्याने आयोगाने 13 नोव्हेंबर 2017 रोजी पालिका व पंचायत संचालकांना स्मशानभूमी व दफनभूमीसाठी जागा उपलब्ध करण्याची शिफारस केली होती त्याबाबत पंचायतीला आयोगाने विचारणा केली होती. मुस्लिम बांधवांनी केलेल्या या निवेदनावर पंचायतीने बैठक घेतली होती.

महत्त्‍वपूर्ण शिफारशी

मानवी हक्क संरक्षण कायद्यानुसार, आयोगाने केलेल्या चौकशी अहवालातील शिफारशी सरकारला किंवा संबंधित अधिकारिणीला पाठविण्यात याव्यात. एका महिन्यात या शिफारशींवर त्यांनी स्पष्टीकरण द्यावे तसेच त्यांनी केलेल्या प्रक्रियेची किंवा काय कृती केली याची माहिती द्यावी