Goa University: परीक्षेसंबंधी कामाची जबाबदारी न घेणाऱ्या शिक्षकांना गोवा विद्यापीठाने सज्जड कारवाईचा इशारा दिला आहे. परीक्षा कार्य हा शिक्षकांच्या कर्तव्याचा अविभाज्य भाग असून ते करण्यास नकार दिल्याने एकूणच कामकाजावर परिणाम होत असल्याचे विद्यापीठाने म्हटले आहे.

वेळोवेळी अनेक परिपत्रके जारी करूनही शिक्षक विविध कारणे सांगून परीक्षेचे काम टाळत असल्याचे निदर्शनास आले आहे. गोवा विद्यापीठाशी संलग्न महाविद्यालये, संस्थांचे डीन, प्राचार्यांना विनंती केली आहे की

त्यांनी त्यांच्या संस्थांमधील सर्व शिक्षकांना विद्यापीठाच्या परीक्षा विभागाला त्यांच्या परीक्षा आयोजित करण्यासाठी, केंद्रीय मूल्यमापन आणि निकाल वेळेवर घोषित करण्यासाठी सहकार्य करावे, असे परिपत्रकात नमूद केले आहे. काही शिक्षक जाणून-बुजून हे काम टाळत असल्याने त्यांच्यावर बारीक लक्ष ठेवण्याची सूचना केली आहे.