वाळपई : डोंगुर्ली ठाणे ग्रामपंचायतीचे (Dongurli Thane Gram Panchayat) बिनविरोध सरपंच निवडलेले निलेश परवार (Nilesh Parvar) बाजूस उपसरपंच सूर्यकांत गावकर (Suryakant Gavkar) पंच लता गावकर, प्रजिता गावस, सत्यवान गावकर, उमेश सावंत (Umesh Sawant), सरिता गावकर व केरी. जि.पं.स. देवयानी गावस व इतर. (पद्माकर केळकर)

सत्तरी तालुक्यातील डोंगुर्ली ठाणे ग्रामपंचायतीच्या सरपंचपदी निलेश परवार यांची आज बिनविरोध निवड झाली आहे. अलिखीत करारानूसार प्रजिता गावस (Prajita Gavas) यांनी काही दिवसांपुर्वी सरपंचपदाचा राजीनामा दिला होता. त्यानूसार आज शुक्रवारी सरपंच पदासाठी पंचायतीच्या कार्यालयात निवडणूक घेण्यात आली. सरपंच पदासाठी निलेश परवार यांचा एकमेव अर्ज दाखल झाला होता. निवडणूक अधिकारी राजेश दळवी यांनी अर्जाची छाननी करुन अर्ज ग्राह्य ठरविले.

निलेश परवार यांना सुचक म्हणूव सत्यवान गावकर, अनुमोदक म्हणून सुर्यकांत गावकर यांनी समर्थन दिले. यावेळी उपसरपंच सूर्यकांत गावकर, पंच लता गावकर, प्रजिता गावस, सत्यवान गावकर, उमेश सावंत, सरिता गावकर मिळून सर्व पंचांची उपस्थिती होती.

पंचायतीचे सचीव सर्वेश गावकर यांची उपस्थिती होती. सर्व सोपस्कार केल्यावर निवडणूक अधिकारी राजेश दळवी यांनी सरपंच म्हणून निलेश परवार यांचे नाव घोषीत केले. त्यानंतर पंच सदस्यांनी निलेश परवार यांचे पुष्पहार घालून अभिनंदन केले. केरी जिल्हा पंचायत सदस्य सौ. देवयानी गावस यांचीही उपस्थिती होती. तसेच अन्य नागरिकांनी निलेश परवार यांचे अभिनंदन केले आहे.