ढवळी येथील भगवती मंदिर समोरील रस्त्यावर धावत्या कारला आग. अग्निशमन दलाच्या कर्मचाऱ्यांनी आग विझवली.

एमराल्ड क्लब येथे अलीकडेच झालेल्या मिस इंडिया फॅब्युलस रॉयल ग्लोबल क्वीन २०२५ या प्रतिष्ठित सौंदर्यस्पर्धेत गोव्याच्या होंडा सत्तारीतील सुप्रिया देसाईने बाजी मारली आहे. देशभरातून आलेल्या स्पर्धकांमध्ये उत्कृष्ट आत्मविश्वास, सौंदर्य, आणि व्यक्तिमत्व दाखवत तिने हा किताब पटकावला.

भारतातील सर्वात प्रसिद्ध उत्सवांपैकी एक पुरी जगन्नाथ रथयात्रा आजपासून सुरू झाली आहे. जगभरातून हजारो भाविक या उत्सवासाठी येथे उपस्थित आहेत. यामध्ये भगवान जगन्नाथ यांची भव्य मिरवणूक काढली जाते.

नागझर- कुर्टी येथे सीताराम नाईक यांच्या घरावर अचानक एक मोठा माड कोसळल्याची घटना घडली असून या घटनेत अंदाजे १ लाख रुपये पेक्षा अधिक नुकसान झाले आहे. सुदैवाने यात कोणतीही जीवितहानी झाली नाही. घटनेनंतर अग्निशमन दलाच्या कर्मचाऱ्यांनी तत्काळ घटनास्थळी धाव घेत कोसळलेला माड सुरक्षितपणे बाजूला केला. माड कोसळल्यानंतर घराच्या छताचे व भिंतीचे मोठे नुकसान झाले आहे.

गोव्यातील जुन्या, जीर्ण, सोडून दिलेल्या, वापरासाठी असुरक्षित इमारतींची तपासणी करुन मालकांना सूचना देण्याचे निर्देश महसूल खात्याने दिले आहेत. गरज पडल्यास जिल्हाधिकाऱ्यांनी अधिकार वापरुन इमरती पाडव्यात असेही आदेशात म्हटले आहे.

बेकायदेशीर वास्तव्य केल्याप्रकरणी युरोपातील दोन आणि आफ्रिकेतील एकाला पेडणे पोलिसांनी अटक केली आहे. तिघांवर विदेशी कायदा १९४६ च्या कलम १४(अ) आणि १४ (ब) अंतर्गत कारवाई करण्यात आली आहे. पोलिस उपनिरीक्षक तुकाराम चोडणकर या प्रकरणाचा अधिक तपास करत आहेत.