Savardem Latest News In Marathi

सावर्डे: दारूच्या नशेत अनेकवेळा अशा काही घटना घडतात ज्या थेट जीवावर बेतू शकतात. गोव्यात देखील काहीसा असाच प्रसंग घडला, धडे-सावर्डे येथे भाड्याच्या खोलीत राहणाऱ्या आशिष तोपो (३३, मूळ झारखंड) या तरुणाचा खोलीतच पडून मृत्यू झाला. पोलिसांना या घटनेची माहिती मिळताच त्यांनी तपासाला सुरुवात केली.

कुडचडे पोलिसांनी दिलेल्या माहितीनुसार, आशिष तोपो याला दारूचे व्यसन होते. तो नेहमीच दारूच्या नशेत असायचा. चौकशीच्या वेळी मिळालेल्या माहितीनुसार आशिष तोपो मद्यधुंद अवस्थेत खोलीत आला आणि आत प्रवेश करताना कोसळून खाली पडल्याने त्याला त्वरित काकोडा प्राथमिक आरोग्य केंद्रात उपचारासाठी आणले गेले, मात्र इथे डॉक्टरांनी त्याला मृत घोषित केले.

कुडचडे पोलिसांनी घटनेचा पंचनामा केला असून मृतदेह उत्तरीय तपासणीसाठी दक्षिण गोवा जिल्हा हॉस्पिटलमध्ये पाठवून दिला आहे.