गोव्याच्या वादग्रस्त पोलिस महासंचालकांची दिल्लीत बदली झाल्यानंतर त्यांची जागी अलोक कुमार यांची नियुक्ती करण्यात आली आहे. कुमार यांनी आज पदभार स्वीकरल्यानंतर आज पासूनच सुरु झालेल्या अधिवेशस्थळी त्यांनी मुख्यमंत्री डॉ. प्रमोद सावंत यांची भेट घेतली.

नवे डिजीपी पहिल्यांदाच आज प्रसारमाध्यामांसमोर आले. यावेळी त्यांनी सांगितले की, मुख्यमंत्र्यांना पोलिस प्रशासनासंबंधीच्या प्रश्नांची माहिती देण्यासाठी मी आलो होतो.

आसगाव घर मोडतोड प्रकरणात जसपाल सिंग यांची उचलबांगडी झाल्यानंतर अलोक कुमार यांची त्यांच्याजागी नियुक्ती करण्यात आली. आसगाव प्रकरणातील जसपाल सिंग यांच्या संशयित भूमिकेमुळे त्यांची बडतर्फी करण्यात आली. या प्रकरणावरुन विरोधकांनी सरकारला (Government) धारेवर धरले होते.

अलोक कुमार AGMUT कॅडरचे 1996 बॅचचे IPS अधिकारी आहेत. विशेष म्हणजे, जसपाल सिंग आणि अलोक कुमार एकाच बॅचचे आयपीएस अधिकारी आहेत. याआगोदर आलोक कुमार यांनी केंद्रीय औद्योगिक सुरक्षा दलाचे (CISF) महानिरिक्षक म्हणून काम केले आहे.